Səudiyyə İnkişaf Fondu Özbəkistanda ümumi dəyəri 138 milyon dollar olan iki prioritet layihəyə investisiya qoymağı nəzərdən keçirir. Bu barədə İnvestisiya, Sənaye və Ticarət Nazirliyi tərəfindən nazir Laziz Kudratovla Fondun baş direktoru Sultan Əl-Mərşad arasında keçirilən görüşdən sonra elan edilib.
Sözügedən layihələrə Qaraqalpaqstanda əlverişli mənzil tikintisi, eləcə də ölkənin magistral yollarında zədələnmiş körpülərin yenidən qurulması və təmiri daxildir. Hər iki layihə inkişaf mərhələsindədir.
Sənaye və Ticarət Nazirliyinin məlumatına görə, tərəfdaşlıq illəri ərzində fond Özbəkistanda səhiyyə, təhsil, su təchizatı və suvarma, mənzil və nəqliyyat infrastrukturu sahələrində layihələr maliyyələşdirib. Hazırda Özbəkistan və Səudiyyə İnkişaf Fondunun birgə layihə portfelinə 287,4 milyon dollar dəyərində 11 layihə daxildir.
Tərəflər tərəfdaşlıqlarını daha da dərinləşdirməkdə və sosial əhəmiyyətli təşəbbüsləri həyata keçirməkdə maraqlı olduqlarını təsdiqlədilər.
Fondun baş direktoru Sultan Əl-Mərşad Özbəkistana səfəri zamanı ixtisaslaşmış elmi və tibb mərkəzlərinin tikintisi və müasir tibbi avadanlıqlarla təchiz edilməsi layihəsinin gedişatını da nəzərdən keçirdi. Layihə fond tərəfindən 20 milyon dollar məbləğində maliyyələşdirilir.
Əziz Mustafa
