Qızılın qiyməti sürətlə atmaqda davam edir.
Əmtəə bazarlarında qızıl və gümüşün bir troya unsiyası (31,1 qram) üzrə fyuçers qiymətləri tarixi maksimumunu yeniləyib.
Qeyd edək ki, Nyu-Yorkun "Comex" əmtəə birjasında qızılın bir troya unsiyası üzrə 2026-cı ilin aprel fyuçerslərinin qiyməti 2,96% artaraq 5 272,11 ABŞ dollarına bərabər olub.
Maraqlıdır, qızılın qiymətinin sürətlə artmasının səbəbi nədir?
İqtisadçı ekspert Xalid Kərimli Hit.az-a açıqlamasında deyib ki, qızıl artıq neçə ildir bahalaşmağa davam edir:
"Qızılın qiymətinin bahalaşmasının əsas səbəbi dünya mərkəzi banklarının qızıl alışına üstünlük verməsidir. Həmçinin, Azərbaycan Neft Fondu da qızıl alışını artırıb. Qızıl alışına üstünlük verilməsinin səbəbləri sırasında qeyri-müəyyənliklər, gərginliklər, qlobal risklər var. Bununla yanaşı, ölkələrin bir-birinə ticarət sanksiyası tətbiq etməsi də qızıl alışına təlabatı artırıb".
Həmsöhbətimiz hesab edir ki, qızılın qiyməti 2026-ci ildə də artmağa davam edəcək:
"Qızılın qiyməti yaxın bir-iki il ərzində də artacaq. Ümumiyyətlə, qızıla yatırım etmək istəyənlər zərgərlik məhsuluna deyil, sikkə, külçə almalıdır".
Günel
