ABŞ Prezidenti Donald Tramp ədliyyə nazirinin saxtakarlıqla mübarizə üzrə yeni köməkçisi vəzifəsinə Kolin Makdonaldın namizədliyini irəli sürüb.
"Far.Az"un məlumatına görə, o, bu barədə "Truth Social"da yazıb.
"Kolin Makdonaldı baş prokurorun milli səviyyədə fırıldaqçılıqla mübarizə üzrə ilk köməkçisi vəzifəsinə namizədliyini irəli sürməkdən məmnunam, bu, Amerika xalqından oğurluq edən fırıldaqçıların fəaliyyətinin qarşısını almaq və ələ keçirmək üçün yaratdığım ABŞ ədliyyə Nazirliyinin yeni bölməsidir", - paylaşımda bildirilir.
"Mənim administrasiyam Minnesota və Kaliforniya kimi ştatlarda oğruların vergi ödəyicilərinin yüz milyardlarla dollar vəsaitini oğurladığı saxtakarlıq sxemlərini ifşa edib", - Tramp əlavə edib. O, uzun müddətdir, Federal Prokurorluqda çalışan Makdonaldın ABŞ-də indiyə qədər baxılan ən mürəkkəb və vacib işlərdən bəzilərində ədalətə nail olduğunu vurğulayıb.
Trampın sözlərinə görə, Ədliyyə Nazirliyinin yeni bölməsi federal proqramların qanuni həyata keçirilməsini təmin etmək və saxtakarlıq sxemlərinin qarşısını almaq üçün nəzərdə tutulub. Vaşinqton administrasiyası ayın əvvəlində bu strukturun yaradıldığını elan edib.
ABŞ Prezidenti tərəfindən baş prokurorun köməkçisi – ədliyyə naziri təyin olunmaq üçün namizədliyi irəli sürülən şəxs Senatın təsdiqini almalıdır.
