“Alibaba” korporasiyasının törəmə şirkəti olan yarımkeçirici istehsalçısı “T-Head” süni intellekt (Sİ) üçün “Zhenwu 810E” adlı yüksək məhsuldarlıqlı çip hazırlayıb. Bu barədə şirkət öz rəsmi saytında məlumat verib.
Beləliklə, “Alibaba” artıq böyük dil modelləri, bulud xidmətləri və süni intellekt çiplərini əhatə edən kompleks Sİ inkişaf imkanlarına sahibdir.
“Zhenwu 810E” çipi “96 GB HBM2e” yaddaşla təchiz olunub və 700 GB/s ötürmə qabiliyyəti təmin edir.
Yarımkeçirici şirkət “T-Head” 2018-ci ildə “Alibaba” tərəfindən təsis edilib. Şirkət həm hesablama tapşırıqları, həm də məlumatların saxlanması üçün çiplər hazırlayır.
2025-ci ilin fevralında “Alibaba” üç il ərzində bulud platformalarının və süni intellekt infrastrukturunun yaradılmasına 380 milyard yuan (təxminən 52 milyard dollar) investisiya yatıracağını açıqlamışdı.
