ain.az bildirir, Kulis.az saytına əsaslanaraq.
Bu gün görkəmli rus şair Aleksandr Puşkinin anım günüdür.
Kulis.az şairin "Cavab" şeirini Eyvaz Borçalının tərcüməsində təqdim edir.
Tanıdım, kahinim, tanıdım sizi!
Bir imza atmamış göndərsəniz də
İlməsi naxışlı bu namənizi;
Tanıdım, örtülü hər şux təhnizdə.
İşvəli salamdan, haqdan-nahaqdan
Gülməli görünən yersiz qınaqdan
Canlı kəlmələrin gözəlliyindən,
Bütün deyimlərin özəlliyindən.
Dönüb təkrar-təkrar oxuduqca mən,
Səbirsiz bir nida qopur sinəmdən:
Vaxtdı! Moskvaya! Elə bu saat!
Bu məhzun şəhərdə sönükdür həyat...
Ürəklər daş kimi, dillər soyuqdu,
Burda cananların duyğusu yoxdur;
Gözəl Presniyə yaddı buralar,
Nə ilham pərisi, nə hurisi var.
1830
“Tomris” filminin aktyoru vəfat etdi
Mikki Rurkdan yardım kampaniyasına reaksiya: “Bu, utancvericidir”
Xulio İqlesiasın istintaq işi genişlənir: Keçmiş əməkdaşlardan yeni iddialar
Daha ətraflı məlumat və yeniliklər üçün ain.az saytını izləyin.
