Avropa Birliyi İranda insan haqlarının pozulması və İranın Rusiyanın Ukraynaya qarşı müharibəsinə verdiyi hərbi dəstəyə görə yeni sanksiyalar tətbiq edib.
QHT.az xəbər verir ki, Sanksiyalar dinc etirazların yatırılmasında iştirak edən 247 fiziki və 50 hüquqi şəxsə şamil olunub. Hədəf alınanlar arasında İranın təhlükəsizlik qüvvələrinin rəhbərləri, ədliyyə orqanlarının üzvləri və bir sıra dövlət qurumları var.
Eyni zamanda, dron və ballistik raketlərin hazırlanması və istehsalı ilə məşğul olan şirkətlərə, o cümlədən “Khojir” və “Sahara Thunder”ə qarşı məhdudiyyətlər tətbiq edilib. Aİ dron və raket texnologiyalarında istifadə olunan komponentlərin İrana ixracına qoyulan qadağanı da genişləndirib.
R.İmanov
