Marja.az saytına istinadən ain.az xəbər verir.
Azəbaycanda törəmə bankı (Yapı Kedi Bank Azərbaycan) olan "Yapı Kredi" 2025-ci il üzrə maliyyə hesabatlarını açıqlayıb.
Marja xəbə vei ki, Bankın xalis faiz gəliri 2024-cü illə müqayisədə 91% artaraq 144,6 milyard Türkiyə Lirəsi (TL) təşkil edib. Bloomberg terminalında 144,27 milyard TL səviyyəsində olan bazar gözləntisinə paralel olan bu nəticə bankın əsas bankçılıq gəlirlərində artım tempini qoruduğunu göstərib.
Bankın xalis komissiya və xidmət haqları üzrə gəlirləri illik müqayisədə 51% artaraq 110,3 milyard TL-yə yüksəlib, ümumi xalis mənfəət isə illik 62% artımla 47,1 milyard TL təşkil edib. 47,1 milyard TL-lik mənfəət göstəricisi 50,44 milyard TL olan bazar proqnozundan bir qədər aşağı qalsa da, illik artım tempi diqqət çəkib.
2026-cı il üçün proqnozlar
Yapı Kredi maliyyə nəticələri ilə birlikdə 2026-cı il üzrə strateji hədəflərini də investorlarla bölüşüb.
TL-də kredit artımının 30%-dən çox olacağı gözlənildiyi halda, xarici valyutada kreditlər üzrə aşağı birrəqəmli artım hədəflənir.
Xalis faiz marjasında (NIM) 100 baza bəndi və ya daha çox yaxşılaşma proqnozlaşdırılır. Komissiya və xidmət haqları üzrə gəlirlərin artımının isə inflyasiya səviyyəsinə paralel olacağı gözlənilir.
Əməliyyat xərclərinin artımının 35% və ya daha aşağı səviyyədə saxlanılması hədəflənir, risk xərclərinin (CoR) isə 150–175 baza bəndi aralığında olacağı proqnozlaşdırılır.
Analitiklər bildirirlər ki, bankın 2026-cı il üçün müəyyən etdiyi xərclərə nəzarət və marja yaxşılaşması hədəfləri qarşıdakı dövrdə səhmlərin performansına təsir göstərə bilər.
Yapı Kredinin direktorundan açıqlama
Yapı Kredi-nin baş icraçı direktoru Gökhan Erün 2025-ci il nəticələri ilə bağlı deyib: “Həyata keçirdiyimiz əməliyyatlar sayəsində ümumilikdə 6,5 milyard dollar vəsait cəlb edərək maliyyələşmə mənbələrimizi şaxələndirdik. İlin ilk yarısında 28 ölkədən 55 bankın iştirakı ilə cəlb etdiyimiz 1,165 milyard dollarlıq sindikat krediti bankımızın tarixində ən yüksək iştiraklı əməliyyat kimi önə çıxdı. İlin ikinci yarısında isə 24 ölkədən 54 bankın iştirakı ilə cəlb etdiyimiz 1,274 milyard dollarlıq sindikat krediti ilk dəfə 3 illik müddəti əhatə etməsi baxımından tariximizdə mühüm dönüş nöqtəsi oldu”.
Erün mart ayında 500 milyon dollarlıq avrobond və dekabr ayında 500 milyon dollarlıq subordinasiya olunmuş istiqraz buraxılışlarına beynəlxalq bazarlardan 3 dəfə artıq tələb olduğunu vurğulayaraq bildirib: “Bu ilin əvvəlində son əməliyyatımıza investorların göstərdiyi yüksək maraq nəticəsində əlavə 250 milyon dollarlıq emissiya da həyata keçirdik".
İş elanları AzVak.az-da
Daha ətraflı məlumat və yeniliklər üçün ain.az saytını izləyin.
