"Qarabağ" ÇL-in iştirak ərizəsində dəyişiklik etdi

"Qarabağ" Çempionlar Liqası üçün iştirak ərizəsində dəyişiklik edib.

"Football-plus.az" xəbər verir ki, Ağdam təmsilçisinin yay transferlərindən olan Kris Kuakunun adı siyahıdan çıxarılıb. Onun əvəzinə Kadi Borgesin adı siyahıya qaytarılıb.

Bu arada ölkə çempionunun yeni transferi Jeremi Qnali pley-off mərhələsi üçün heyətə daxil edilməyib.

Xatırladaq ki, "Qarabağ" İngiltərə "Nyukasl"ı ilə üz-üzə gələcək. Qarşılaşmalar fevralın 18-i və 24-də keçiriləcək.