Nənə və babalar tez-tez nəvələrə ev tapşırıqlarında kömək edir, yemək hazırlayır, onları parka və məktəbə aparırlar.
Yeni bir araşdırma görə, nəvələrə qayğı göstərmək yaşlı yetkinlərin idrak zəifləməsindən qorunmasına kömək edir.
“Cebheinfo.az” “Euronews”-a istinadən xəbər verir ki, Amerika Psixoloji Assosiasiyası tərəfindən dərc edilən yeni bir araşdırma bunu götərib. Belə ki, bu sadə fəaliyyət və nəvələrə müntəzəm qayğı yaşlı yetkinlərdə daha yaxşı nitq səlisliyini yarada və epizodik yaddaşı inkişaf etdirə bilər.
Tədqiqata rəhbərlik edən Hollandiyadakı Tilburq Universitetindən Flavia Çereçeş deyib:
"Bizi ən çox diqqət çəkən şey, nənə və babaların bu cür yardımı nə qədər tez-tez verməsindən və ya nəvələri ilə hansı konkret fəaliyyətləri etmələrindən daha çox idrak funksiyası üçün daha vacib görünməsi idi”.
Tədqiqatda orta yaşı 50-67 olan 2887 nənə və baba iştirak edib. Onların hamısı tədqiqat dövründə idrak baxımından sağlam olublar və müstəqil yaşayıblar.
İştirakçılar 2016-cı ildən 2022-ci ilə qədər üç dəfə anket və koqnitiv testləri doldurublar.Onlardan valideynlərinin iştirakı olmadan nəvələrinə nə qədər tez-tez baxdıqları və adətən bu yardımı nə vaxt göstərdikləri soruşulub.
İştirakçıların təxminən 56 faizi il boyu nəvələrinə qulluqda kömək etdiklərini bildiriblər.Tədqiqatçılar yalnız tezliyi deyil, həm də müəyyən fəaliyyət növlərini nəzərə almağın vacibliyini vurğulayıblar. Oyun oynamaq və ev tapşırıqlarında kömək etmək daha yaxşı nitq səlisliyi və epizodik yaddaş deməkdir.
Uşaqlarını tez-tez məktəbdən götürən nənə və babalarda daha yüksək nitq səlisliyi müşahidə olunub.Nənələr babalardan daha tez-tez uşaq baxımı ilə məşğul olurlar və müsbət təsir qadınlar üçün daha uzun müddət davam edir.
Nəvələrinə qulluq edən nənələr tədqiqatın əvvəlində daha kəskin yaddaşı və daha yaxşı dil bacarıqlarına sahib idilır. Tədqiqat dövründə bu bacarıqların digər kateqoriyaya nisbətən daha yavaş azaldığı müşahidə olunub.
Bu arada, nəvələrinə baxan kişilər də tədqiqata baxmayanlara nisbətən daha yaxşı vəziyyətdə olublar. Lakin zaman keçdikcə onların bacarıqları qayğı göstərməyənlərlə eyni sürətlə azalıb.
Tədqiqatçılar qeyd ediblər ki, nənələr nəvələri ilə fərqli şəkildə qarşılıqlı əlaqədə olurlar: onlar adətən fiziki və emosional qayğı ilə daha çox məşğul olurlar, babalar isə əsasən asudə vaxt fəaliyyətlərində iştirak edirlər.
Tədqiqat müəllifləri qeyd ediblər ki, ailə kontekstinin və digər amillərin təsirini araşdırmaq üçün əlavə işlərə ehtiyac var:
"Dəstəkləyici ailə mühitində könüllü qayğı göstərmək nənə və babalar üçün daha stresli bir mühitdə qayğı göstərməkdən fərqli nəticələrə səbəb ola bilər.
Çünki onlar özlərini dəstəklənməmiş hiss edirlər və ya qayğı göstərməyi daha çox yük kimi qəbul edirlər".
