Günəşdə əsrin ən güclü partlayışlarından biri yekunlaşdı

Fevralın əvvəlindən bəri müşahidə edilən XXI əsrin ən güclü günəş partlayışlarından biri başa çatıb.

Bu barədə Rusiya Elmlər Akademiyasının Kosmik Tədqiqatlar İnstitutunun Günəş Astronomiya Laboratoriyası məlumat verib.

Alimlərin fikrincə, Günəşin Yer kürəsinə maksimum təsir zonasında yerləşən 4 366 nömrəli aktiv bölgəsi fevralın 4-5-də yüksək aktivlik nümayiş etdirib və orada M və X sinfindən 11 partlayış qeydə alınıb. Lakin fevralın 6-dək bu bölgədə aktivlik kəskin şəkildə sıfıra enib və sonrakı günlərdə minimal olaraq qalıb.

Mütəxəssislər qeyd ediblər ki, partlayışlardan heç biri Yer kürəsində güclü maqnit qasırğalarına səbəb olmayıb.

Tədqiqatçıların fikrincə, Günəş tezliklə nisbi sabitləşmə dövrünə girə bilər, amma bu fazanın müddəti qeyri-müəyyəndir./TASS/