Eyfel qülləsini partlatmaqla hədələyən 18 yaşlı şəxs "terror aktına təhrik etmək" ittihamı ilə məhkəmə qarşısına çıxarılacaq.
Ucnoqta.az xəbər verir ki, bu barədə "Le Parisien" qəzeti məlumat yayıb.
Qəzetin məlumatına görə, bir neçə gün əvvəl həmin şəxs Bretaniyada (Fransanın şimal-qərbində) olarkən TikTok-da canlı yayımda Eyfel qülləsini partlatmaqla hədələyən video yayımlayıb.
Qeyd olunur ki, şübhəli hüquq-mühafizə orqanlarının diqqətini cəlb etmək üçün dəqiq tarix və vaxt bildirib.
Daha sonra jandarmlar dindirilmə zamanı ifadələrinin zarafat olduğunu iddia edən şəxsi saxlayıblar. Həbsdən azad edildikdən sonra o, məhkəmə nəzarəti altına alınıb. Onun mart ayında məhkəməyə gəlməsi planlaşdırılır.
Qəzet şübhəlinin artıq hüquq-mühafizə orqanlarına məlum olduğunu aydınlaşdırır. Məhkəmə nəzarəti qaydalarına əsasən, o, indi həftəlik polis bölməsinə gəlməli olacaq.
