Pekin, 9 fevral, AZƏRTAC
Cənubi Koreyanın Kyongi əyalətində “AH-1S Kobra” hərbi helkopteri təlim uçuşu zamanı qəzaya uğrayıb.
AZƏRTAC Cənubi Koreya mediasına istinadla xəbər verir ki, qəza yerli vaxtla saat 11:00-da (Bakı vaxtı ilə 6:00) Qapyonq rayonunda baş verib. Helikopterin xəsarət alan pilotları xəstəxanaya çatdırılıblar. Onlara ilkin olaraq ürək tutması diaqnozu qoyulub. Həkimlərin səylərinə baxmayaraq, pilotların həyatını xilas etmək mümükün olmayıb.
Qəzadan sonra partlayış və yanğın qeydə alınmayıb.
Şahin Cəfərov
AZƏRTAC-ın xüsusi müxbiri
Pekin
