Nüvə elektrik stansiyasının tikintisi Moskvanın İrəvanla münasibətlərinin gündəliyində yüksək yer tutur və müntəzəm olaraq müxtəlif səviyyələrdə müzakirə olunur.
Herbiand.az xəbər verir ki, bu barədə "İzvestiya" qəzeti Rusiya xarici işlər nazirinin müavini Mixail Qaluzinə istinadən məlumat yayıb.
Qəzet Qaluzinin sözlərinə istinadən bildirir ki, "etibarlı, sübut olunmuş texnologiyaların mövcudluğu, eləcə də cəlbedici maliyyə parametrləri - o cümlədən tikinti, sonrakı istismar və mütəxəssis hazırlığı və yenidən hazırlığa ehtiyac - baxımından heç bir real alternativ yoxdur".
Qəzet xatırladır ki, 6 fevralda "Rosatom"un baş direktoru Aleksey Lixaçev Ermənistan Milli Məclisinin sədri Alen Simonyanla görüşüb və 2025-ci ilin sentyabrında Ermənistanın Baş naziri Nikol Paşinyan Moskvada keçirilən Dünya Atom Həftəsində iştirak edib.
