Oxumeni.az saytından alınan məlumata görə, ain.az bildirir.
İlon Mask kosmosun tədqiqi zamanı yadplanetlilərlə görüşə biləcəyini istisna etməyib
Amerikalı sahibkar və milyarder İlon Mask bildirib ki, müxtəlif ulduz sistemlərini öyrənərkən bəşəriyyət yadplanetlilər və yadplanetli sivilizasiyalarla qarşılaşa bilər. Oxuməni.az xəbər verir ki, onun çıxışının yazısı X səhifəsində dərc olunub.
O qeyd edib ki, Aya kütləvi uçuşdan daha möhtəşəm bir şey təsəvvür edə bilmir. Bunun ardınca Marsa uçuş, Günəş sistemində səyahət və gələcəkdə digər ulduz sistemlərinə səyahət gəlməlidir.
Mask qeyd edib: "Bəlkə yadplanetlilərlə görüşərik. Bəlkə də milyon illər əvvəl mövcud olmuş sivilizasiyaları görərik və qədim yadplanetli sivilizasiyaların qalıqlarını taparıq".
Milyarderin fikrincə, buna nail olmaq üçün Ayda şəhərlər yaratmaq və sahibkarın "katapult" adlandırdığı xüsusi buraxılış qurğuları tikmək lazımdır - onlar kosmosu tədqiq etmək üçün süni intellektli peykləri buraxacaqlar.
Daha əvvəl Mask SpaceX-in yaradılması üçün ilhamın "Ulduz yolu" fantastik teleserialı və bir gün yadplanetlilərlə görüşmək arzusu olduğunu söyləmişdi. O əlavə edib ki, gələcəkdə insanlar üçün kosmos səyahətlərini və yadplanetlilərlə tanışlığı mümkün etmək istərdi.
Almaz Həsənli
Ən son xəbərləri və yenilikləri almaq üçün ain.az saytını izləyin.
