12 fevral axşamı Cənubi Karolina Universitetinin tələbə şəhrciyində atışma baş verib, nəticədə iki nəfər ölüb, bir nəfər yaralanıb.
Herbiand.az xəbər verir ki, bu barədə Universitetin Facebook səhifəsində dərc olunmuş açıqlamada bildirilir ki, Hugine Suites tələbə yaşayış kompleksinin yataqxanalarından birində baş verən atışma səbəbindən universitet ərazisi bağlanıb.
Bəyanatda deyilir: "Universitet rəsmiləri hələlik ölənlərin şəxsiyyətini və ya yaralı şəxsin vəziyyətini təsdiqləməyiblər".
Universitet araşdırma aparmaq üçün hüquq-mühafizə orqanları ilə əlaqə saxladığını bildirib. 13 fevralda bütün dərslər ləğv edilib.
