Hurriyyet portalından verilən məlumata görə, ain.az xəbər yayır.
Rusiyanın Ukraynaya qarşı müharibəsi tərəflərin hansı biri üçünsə "ənənəvi məğlubiyyət"lə bitməyəcək. Moskva isə strateji məqsədlərinə çata bilməyəcək.
“AzPolitika” xarici KİV-ə istinadla xəbər verir ki, bunu ABŞ Dövlət katibi Marko Rubio Münhen Təhlükəsizlik Konfransında çıxışı zamanı deyib.
Onun sözlərinə görə, münaqişə, çox güman ki, danışıqlar yolu ilə başa çatacaq. Rubio vurğulayıb ki, heç bir tərəf bütün maksimalist tələblərinə nail ola bilməyəcək və müharibə sonda siyasi kompromisə gətirib çıxaracaq.
Eyni zamanda, o qeyd edib ki, ərazi məsələləri, xüsusən də Donetsklə bağlı mümkün güzəştlər Ukrayna cəmiyyəti üçün olduqca ağrılı olacaq.
"Donbasda ərazidən imtina etmək ukraynalılar üçün çətin bir güzəşt olardı. Lakin müharibə danışıqlar yolu ilə həllə gətirib çıxaracaq", - deyə Dövlət katibi vurğulayıb.
Rubio Münhendəki çıxışı zamanı Rusiyanın Ukraynaya qarşı müharibəni dayandırmaq məsələsində nə qədər ciddi olduğuna dair hələlik cavab olmadığını bildirib, baxmayaraq ki, Rusiya nümayəndələri ABŞ və Ukrayna ilə üçtərəfli danışıqlarda iştirak edirlər.
Ən son xəbərləri və yenilikləri almaq üçün ain.az saytını izləyin.
