Magistral yollarda zərbə udan təhlükəsizlik bariyerləri quraşdırılır… İlk belə bariyer Bakı dairəvi yolunda quraşdırılıb…
Xezerxeber.az-ın xəbərinə görə, yol-nəqliyyat eksperti Ərşad Hüseynov bildirib ki, belə bariyerlərin quraşdırılması dünya təcrübəsində də geniş istifadə olunan üsuldur. Digər beton və ya dəmir arakəsmələrlə müqayisədə avtomobilə və içərisindəki sürücüyə sərnişinə daha az zərər veridiyi sübuta yetirilib.
Bariyerlərin quraşdırılması ilə bağlı Yerüstü Nəqliyyat Agentliyindən bildirildi ki, təhlillərin nəticəsinə uyğun olaraq yol-nəqliyyat hadisələrinin daha çox baş verdiyi və olması ehtimal olunan məntəqələrdə təhlükəsizlik baryerlərinin quraşdırılması davam edəcək. Qurğunun funksiyası avtomobilin birbaşa sərt metal və ya beton baryerə çırpılmasının qarşısını almaqdır. Təhlükəsizlik baryeri dəmir məhəccərin ön hissəsinə yerləşdirilib. Bu cür təhlükəsizlik elementləri xüsusilə nəqliyyat vasitələrinin idarəetmədən çıxdığı və digər səbəblərdən baş verə biləcək hadisələr zamanı xüsusi əhəmiyyət daşıyır.
Xezerxeber.az mövzu ilə bağlı daha ətraflı videomaterialı təqdim edir.
