ain.az, Gununsesi portalına istinadən məlumat verir.
Amerikanın 19FortyFive nəşrinin məlumatına görə, ABŞ Hərbi Dəniz Qüvvələri təlimlər zamanı Rusiya və Çinə xəbərdarlıq olaraq gəmilərini batırır.
Gununsesi.info bu barədə xarici mediaya istinadən xəbər verir.
Jurnalistlərin sözlərinə görə, ABŞ ordusu təlimlərdən real gəmilərin necə zərər gördüyünü və silahların real şəraitdə necə işlədiyini öyrənmək üçün istifadə edir. Xüsusilə dənizçilər gəminin gövdəsinin batmazdan əvvəl tab gətirə biləcəyi zərərin miqdarı barədə məlumat toplayırlar.
Məqalədə deyilir ki, “Dəniz Qüvvələri bu təlimlərdən bir çox dərs çıxarır”.
Misal üçün, 2024-cü ildə Valiant Shield 24 təlimi zamanı istismardan çıxarılmış Austin sinifli amfibiya hücum gəmisi USS Cleveland yeni American Precision Strike Raketləri ilə batırıldı. Nəşr qeyd edir ki, bu cür hərəkətlər yalnız şəxsi heyətin döyüş şəraitində təlim keçməsinə imkan vermir, həm də potensial düşmənlər üçün xəbərdarlıq rolunu oynayır.
Bundan əvvəl hərbi ekspert və ABŞ ordusunun keçmiş zabiti Stanislav Krapivnik 2025-ci ilin sentyabr ayında keçirilən Rusiya- Belarus birgə “Zapad-2025” təlimlərində Amerika hərbi müşahidəçilərinin qaldırdığı narahatlıqları bildirmişdi.
Onun sözlərinə görə, manevrlərin miqyası Rusiyanın hərbi resurslarının tükəndiyi iddialarına öyrəşmiş Qərb mütəxəssisləri üçün sürpriz olub. Krapivnik hesab edir ki, ABŞ Rusiya qüvvələrinin kifayət qədər yaxşı işləsə də, öz qüvvələrinin yaxşı işləmədiyini anlayıb. Onun fikrincə, amerikalılar arasında əsl narahatlığa səbəb olan məhz bu uyğunsuzluq olub.
Maqsud
Gununsesi.info
Hadisənin gedişatını izləmək üçün ain.az saytında ən son yeniliklərə baxın.
