Dünya kinosunun tanınmış simalarından olan, “Xaç atası” filmindəki rolu ilə geniş şöhrət qazanan aktyor Robert Duvall 95 yaşında vəfat edib.
Vətəninfo.az xəbər verir ki, aktyor uzun illər ərzində Hollivudun ən nüfuzlu sənətçilərindən biri kimi fəaliyyət göstərib. O, xüsusilə Xaç atası filmində canlandırdığı Tom Hagen obrazı ilə tamaşaçıların yaddaşında silinməz iz qoyub.
Robert Duvall həmçinin Apokalipsis indi filmindəki rolu ilə də böyük uğur qazanıb və kino tənqidçilərinin yüksək qiymətini alıb.
Qeyd edək ki, aktyor karyerası ərzində bir sıra nüfuzlu mükafatlara layiq görülüb və dünya kinosunun inkişafına mühüm töhfələr verib.
