ABŞ-ın vitse-prezidenti JD Vance bildirib ki, Prezident Donald Trump İranla bağlı hələlik Tehranın qəbul etməyə hazır olmadığı bəzi “qırmızı xətlər” müəyyənləşdirib.
Editor.az xəbər verir ki, Vance açıqlamasında ABŞ Prezidentinin xüsusi nümayəndəsi Steve Witkoff və Trampın kürəkəni Jared Kushner ilə İranla keçiriləcək danışıqlarda müzakirə olunacaq əsas istiqamətlər barədə fikir mübadiləsi apardığını deyib.
Vitse-prezident vurğulayıb ki, Vaşinqtonun danışıqlardakı əsas məqsədi Tehranın nüvə silahı əldə etməsinin qarşısını almaqdır. Onun sözlərinə görə, “Prezident Tramp iranlıların hələ qəbul etməyə və üzərində işləməyə hazır olmadığı bəzi qırmızı xətlər müəyyən edib.
Bununla yanaşı, Vance qeyd edib ki, Tramp İran məsələsində bütün variantları açıq saxlayır.
İranın xarici işlər naziri Abbas Araghchi ABŞ ilə Geneva şəhərində keçirilən nüvə danışıqlarının ikinci mərhələsi başa çatdıqdan sonra verdiyi ilk açıqlamada bildirib ki, razılaşma üçün danışıqlar zəmini formalaşıb. O əlavə edib ki, tərəflər arasında hələ də müzakirə edilməli məsələlər qalmaqdadır.
//Gülnarə Abasova, Editor.az
