Modern.az saytından verilən məlumata görə, ain.az xəbər verir.
İslam dinində vacib əməllərindən biri olan oruc ibadətinin icrasının həyata keçirildiyi müqəddəs Ramazan ayı başlayır.Qafqaz Müsəlmanları İdarəsi (QMİ) Qazılar Şurasının fətvasına əsasən, bu il Azərbaycanda Ramazan ayının 1-i miladi təqvimlə sabaha - fevral ayının 19-na təsadüf edəcək. QMİ Ramazan ayının başlanma vaxtını Nəsirəddin Tusi adına Şamaxı Astrofizika Rəsədxanasının məlumatlarına əsaslanaraq elan edib.Qeyd edək ki, İslam aləmində Ramazan ayının başlanması eyni günə təsadüf etmir. Əvvəllər olduğu kimi, bu il də müsəlman ölkələri Ramazan ayının başlanma vaxtını fərqli günlərə təyin ediblər.İslam qanunlarına görə, ay təqviminin başlanğıcı və sonu təzə Ayın (Aypara-hilal) hərəkətləri ilə müəyyən edilir.
İslam fiqhində yeni ayın təyin olunması ilə bağlı iki əks fikir mövcuddur:- vizual müşahidə metoduna üstünlük verənlər;
- qərarlarını elmi ölçmə və hesablamalara əsaslandıranlar.Məhz buna görə, müsəlman ölkələrində Ramzanın başlanma tarixi baxımından fərqlər müşahidə olunur.
Qeyd edək ki, Azərbaycanla yanaşı, daha bir sıra ölkələrdə də Ramazan ayının başlanma vaxtı 19 fevrala təyin edilib.Eyni zamanda, 18 fevralı tarixini Ramazanın ilk günü elan edən ölkələr də az deyil.Modern.az saytı Ramazanın başlanmasını fərqli tarixlərə təyin edən ölkələrin adlarını dəqiqləşdirib.Ramazana sabah - 19 fevralda başlayan ölkələrİordaniyanın baş müftisi Əhməd əl-Həsənat Ayın görünməməsi səbəbindən Ramazan ayının 19 fevral - cümə axşamı günü başlayacağını elan edib.
Misirin baş müftisi Nazir Ayad da televiziya ilə yayımlanan açıqlamasında təzə Ayın görünmədiyini və buna görə də cümə axşamının (19 fevral) Ramazanın ilk günü olacağını bəyan edib
Türkiyə, Azərbaycan, İran, Oman və Suriyada da Ramazanın cümə axşamı günü – 19 fevralda başlayacağı rəsmən elan olunub.Ramazana bu gün - 18 fevralda başlayan ölkələrSəudiyyə Ərəbistanı, Qətər, Birləşmiş Ərəb Əmirlikləri (BƏƏ), Yəmən, Fələstin, İraq, Bəhreyn, Küveyt və Livan isə 18 fevral tarixinin Ramazan ayının ilk günü olduğunu elan ediblər.Səudiyyə Ərəbistanı Ali Məhkəməsinin yazılı açıqlamasında Ramazan ayının hilalının göründüyü və 18 fevralın Ramazan ayının ilk günü olduği bəyan edilib.
Qətər Vəqflər və İslam İşləri Nazirliyinin Hilal Görmə Komitəsi də 18 fevralın Ramazan ayının ilk günü olduğunu açıqlayıb.
BƏƏ-nin Prezident Məhkəməsi Ramazan ayının hilalının göründüyünü və 18 fevralın Ramazan ayının ilk günü olduğunu bildirib.
Yəmən Vəqflər və İrşad Nazirliyi də bu günü – 18 fevralı Ramazan ayının ilk günü elan edib.
Qüds və Fələstinin baş müftisi Şeyx Məhəmməd Hüseyn də Ramazan ayının ilk gününün 18 fevrala düşdüyünü açıqlayıb.
İraqda Sünni Vəqfi və Kürdüstan Regional Hökumətinin Vəqflər Nazirliyi Ramazan ayının ilk gününün 18 fevral olduğunu elan edib.
Bəhreyndəki Hilal Görmə Təşkilatı Ayparanı heç kimin görmədiyini, lakin Səudiyyə Ərəbistanında görülmənin qanuni olaraq təsdiqləndiyini və buna görə də 18 fevralın Ramazan ayının ilk günü olmasına qərar verildiyini bildirib.
Küveytdə Hilal Görmə Təşkilatı təzə Ayın göründüyünü və buna görə də 18 fevralın Ramazanın ilk günü olacağını açıqlayıb.Livanın baş müftisi Şeyx Əbdüllətif Deryan da Aypara görünməsinin "bir çox ərəb və İslam ölkələrində" təsdiqləndiyini əsas gətirərərk, 18 fevralı Ramazan ayının ilk günü elan edib.Ə.Qafarlı
Hadisənin gedişatını izləmək üçün ain.az saytında ən son yeniliklərə baxın.
