Banco.az portalından əldə olunan məlumata əsasən, ain.az xəbər verir.
Müəllif: Tamara Mustafayeva, Banco.az
ABŞ-da davamlı mal sifarişləri dekabr ayında azalıb.
Banco.az xəbər verir ki, ABŞ Ticarət Nazirliyi dekabr ayı üzrə uzunmüddətli istifadə olunan mallara dair sifariş göstəricilərini açıqlayıb. Məlumata əsasən, sifarişlər aylıq müqayisədə 1,4 faiz azalıb.
“Bloomberg” tərəfindən keçirilən sorğuda iştirak edən iqtisadçıların gözləntisi isə azalışın 2 faiz səviyyəsində olacağı yönündə idi.
Digər tərəfdən, noyabr ayına dair göstərici əvvəl açıqlanan 5,3 faizlik artımdan 5,4 faizlik artıma doğru yenilənib.
Biznes yatırımları üçün əsas göstəricilərdən biri hesab olunan, müdafiə sənayesi və aviasiya sektoru istisna edilməklə kapital mallarına dair sifarişlər isə 0,6 faiz artıb. Bu göstərici üzrə bazar gözləntisi 0,3 faizlik artım idi. Həmçinin əvvəlki aya dair məlumat da yuxarı istiqamətdə yenidən nəzərdən keçirilib.
Bizi sosial şəbəkələrdən izləyin!!
Ən son xəbərləri və yenilikləri almaq üçün ain.az saytını izləyin.
