Məşhur müğənni Zemfira və Renata Litvinova Parisdən Londona köçüblər.
Publika.az xəbər verir ki, bu barədə “Mash” Teleqram kanalı məlumat yayıb.
Kanalın məlumatına görə, bu addım sənətçinin yaşadığı Saint-Denis Bulvarı ərazisində artan cinayətkarlıqla əlaqədardır. Bu ərazi bir vaxtlar canlı gecə həyatı ilə məşhur idi, lakin indi cinayətkarları və fahişələri cəlb edir.
“Mash” iddia edir ki, cinayətkar fəaliyyətin artması səbəbindən hakimiyyət orqanları şəhərin bu hissəsində saat 20:00-dan etibarən komendant saatı tətbiq edib. Kanalın məlumatına görə, bu qərar rok ulduzuna xoş gəlməyib və o, Litvinovla ilə birlikdə Londonda qeydiyyatda olduğu mənzilə köçməyi planlaşdırıb.
Nəşr həmçinin Zemfiranın Fransa vətəndaşı olduğunu bildirir, baxmayaraq ki, o, əvvəllər ikinci pasporta sahib olduğunu inkar etmişdi. Teleqram kanalının məlumatına görə, müğənni 2022-ci ildə RENATA şirkəti vasitəsilə Fransa vətəndaşlığına müraciət edib.
