Azərbaycan Premyer Liqasının 21-ci turunun “Turan Tovuz”la oyunu “Zirə”nin futbolçusu Davit Volkov üçün yubiley xarakteri daşıyıb.
İdman.Biz Peşəkar Futbol Liqasının rəsmi saytına istinadən xəbər verir ki, o, “Zirə”nin heyətində 100-cü çempionat matçını keçirib.
Gürcüstanlı hücumçu bu qarşılaşmalarda 36 qol vurub. D. Volkov Premyer Liqada “Zirə” forması ilə ilk oyununu 2020-ci il fevralın 1-də “Sabah”a qarşı (2:0) keçirib.
Qeyd edək ki, D. Volkov turnirdə “Qəbələ” və “Sabah”da da çıxış edib.
