“Qarabağ”ın baş məşqçisi Qurban Qurbanov mərkəz müdafiəçisi Sami Mmaeni intizamsız davranışları səbəbindən əvəzedici heyətə göndərildiyini açıqlayıb.
İdmanxeber.az-ın məlumatına görə, bu barədə 53 yaşlı mütəxəssis UEFA Çempionlar Liqasının pley-off mərhələsində “Nyukasl”la cavab oyunu öncəsi keçirilən mətbuat konfransında bildirib.
Qeyd edək ki, “Nyukasl” – “Qarabağ” oyunu fevralın 24-dən 25-nə keçən gecə İngiltərədə keçiriləcək. İlk matç “sağsağanlar”ın 6:1 hesablı qələbəsi ilə bitib.
