Merzin səfərinin Tramp tərəfindən elan edilən yeni 15% qlobal tariflərə yönəlməsi gözlənilir. Almaniya hökuməti ABŞ prezidenti Donald Trampın gələn həftə ABŞ-a səfərindən əvvəl elan etdiyi yeni tarif siyasəti ilə bağlı Vaşinqtondan "təcili" aydınlıq tələb edib.

Almaniya hökumətinin sözçüsü Stefan Kornelius bu açıqlamanı Berlində keçirilən mətbuat konfransında ABŞ Ali Məhkəməsinin tarifləri ləğv etmək qərarı və Trampın elan etdiyi yeni tariflər barədə şərh edərkən verib.
Kornelius bildirib ki, Baş nazir Merzin gələn həftə ABŞ-a rəsmi səfəri Vaşinqtonun yeni tarif addımı səbəbindən kritik bir dövrə təsadüf edir.

O, Almaniya hökumətinin əsasən yeni tariflərin texniki detallarını və onların mövcud vergilərə geriyə təsirlərini təhlil etdiyini qeyd edərək, Vaşinqtondan bu məsələ ilə bağlı təcili izahat gözlənildiyini vurğulayıb.

Kornelius Almaniya hökumətinin ABŞ məhkəməsinin qərarını diqqətlə araşdırdığını bildirib və əlavə edib ki, "faktiki nəticələr və əhatə dairəsi tam proqnozlaşdırıla bilən hala gələnə qədər" heç bir tədbir görülməməlidir.

Berlin administrasiyasının Avropa tərəfdaşları ilə sıx əlaqədə olduğunu vurğulayan Kornelius deyib: "Əvvəlcə hansı tariflərlə qarşılaşacağımızı bilmək istəyirik. Hələlik qərarın qəti nəticələri qeyri-müəyyən olaraq qalır".

aia.az
Tərcümə şöbəsi

• Almaniya
• Vaşinqton
• Səfər
• Merz
• Gömrük Siyasəti