İranın beş böyük kürd siyasi təşkilatı “İran Kürdüstanı Siyasi Qüvvələri Koalisiyası”nın yaradıldığını açıqlayıb.
Bu barədə “İranWire” məlumat yayıb.
Qeyd olunur ki, yeni birlik İran İslam Respublikasına qarşı siyasi mübarizəni koordinasiya etməyi hədəfləyir.
Koalisiyanın bəyan olunmuş məqsədləri arasında İran İslam Respublikasının devrilməsi, kürd xalqının öz müqəddəratını təyin etmək hüququnun təmin edilməsi və regionda demokratik idarəetmə sisteminin qurulması yer alır.
Bildirilir ki, əsas məqsəd İranı devirmək və yeni yaradılacaq Kürd dövlətinin dirçəlişnini dəstəkləməkdir.
Məlumata görə, qrupların əksəriyyəti Iraq Kurdistan ərazisində fəaliyyət göstərir. Təşkilatlar siyasi koordinasiyanı gücləndirmək, vahid mövqe formalaşdırmaq və beynəlxalq səviyyədə daha fəal çıxış etmək niyyətində olduqlarını bəyan ediblər.
Globalinfo.az
