ABŞ hərbi rəsmiləri Prezident Trampa xəbərdarlıq ediblər ki, Vaşinqton, hətta İslam Respublikasına zərbə endirsə belə, İranın nüvə proqramı ilə bağlı danışıqlarda Tehrandan güzəştlər əldə edə bilməyəcək.
CBS bu barədə bazar ertəsi mənbələrə istinadən məlumat yayıb.
Nəşrin məlumatına görə, ABŞ Baş naziri köməkçilərindən Tehranı "Vaşinqton üçün daha əlverişli şərtlərlə danışıqlara qayıtmağa" məcbur edəcək hücum planı hazırlamağı tələb edib. "Lakin hərbi strateqlər xəbərdarlıq ediblər ki, belə bir seçim təmin edilə bilməz", - deyə nəşr vurğulayır. Məqalədə həmçinin qeyd olunur ki, Amerika lideri köməkçilərinin Tehrana hərbi təzyiq göstərmək üçün məhdud imkanları ilə bağlı verdiyi məlumatlardan "getdikcə daha çox məyus olur".
Pentaqon rəsmiləri ABŞ prezidentinə İrana hücumun "şübhəsiz ki, tək bir həlledici zərbədən daha çox" olacağını, bunun isə ABŞ-ı potensial olaraq "Yaxın Şərqdə uzunmüddətli münaqişəyə" cəlb edəcəyini bildiriblər. Xüsusilə, Birləşmiş Qərargah Rəisləri Komitəsinin sədri general Den Keyn Ağ Ev rəhbərinə xəbərdarlıq edib ki, Tehran və onunla əlaqəli qüvvələr bölgədəki ABŞ və müttəfiq qüvvələrinə cavab zərbələri endirə bilər ki, bu da Vaşinqtonun əlavə resurslar yerləşdirməsini tələb edəcək.
Xatırladaq ki, İran və ABŞ nümayəndə heyətləri arasında 26 fevralda Cenevrədə görüşün növbəti raundunun keçirilməsi gözlənilir.
SAMİRƏ
