Xarici qüvvələrin geri çəkilməsi üçün son tarix elan edilib: ABŞ və onun Qərb müttəfiqləri bir ay ərzində Suriyanı tərk edəcəklər.
Bu məlumatı ölkənin İnformasiya Nazirliyinə hesabat verən Suriya dövlət televiziyası olan “Syria TV” yayıb. Yaxşı məlumatlı hökumət mənbəyinə görə, Amerika qoşunları hazırda Suriyanın şimal-şərqindəki Kasrak döyüş dəstək bazasından çıxır. Mənbə onların sayının 1000-dən çox olmadığını və geri çəkilmənin bu ilin aprel ayının sonuna qədər başa çatdırılmasının planlaşdırıldığını bildirib. Suriya mediasının məlumatına görə, personal və hərbi texnika daşıyan karvanlar artıq qonşu İraqa yola düşüb.
Kasrak bazası əsasən kürdlərin yaşadığı Haseke əyalətinin Tell Tamer kəndindən 45 kilometr aralıda yerləşir. Bu obyekt, Harrab əl-Cir hava bazası kimi, Qərb qüvvələrinin bölgədəki ən böyük forpostu hesab olunurdu. Oxşar düşərgə əvvəllər əyalətin cənubundakı Əş-Şəddadidə də dağıdılıb.
Bundan əvvəl, 12 fevralda kontingent üç ölkənin – Suriya, İran və İordaniyanın sərhədlərinin kəsişdiyi strateji əl-Tanf bölgəsindəki bazanı tərk etmişdi. Obyektin yerləşməsi həyati əhəmiyyətli Dəməşq-Bağdad magistral yolundakı vəziyyəti izləməyə imkan verirdi.
//Samir Qurbanov, Editor.az
