Bizimyol saytından verilən məlumata görə, ain.az xəbər verir.
İran, nüvə proqramı ətrafında yaranan vəziyyətin həllində diplomatik yollara üstünlük verdiyini bildirsə də, milli maraqlarını qorumaq üçün bütün mövcud vasitələrdən istifadə etməyə hazır olduğunu açıqlayıb.
Bizimyol.info xəbər verir ki, bu barədə İran hökumətinin rəsmi nümayəndəsi Fatimə Mühacərani bəyanat verib.
"İran müharibəyə yox, diplomatiyaya üstünlük verir, amma müharibə və diplomatiya — milli ləyaqət və maraqların qorunması üçün istifadə olunan iki fərqli strategiyadır. Biz qarşı tərəfin səhvlərinin qarşısını almaq üçün bütün mümkün təzyiq vasitələrini istifadə edəcəyik", — deyə o bildirib.
Yanvar ayında Ağ Ev, İslam Respublikasına qarşı güc tətbiq etməyi ciddi şəkildə nəzərdən keçirdiklərini açıqlamışdı. Vaşinqton, Tehranı danışıqlar masasına oturmağa və "ədalətli və bərabərhüquqlu" bir saziş bağlamağa, yəni nüvə silahından tamamilə imtina etməyə çağırmışdı.
17 fevralda Cenevrədə, Oman vasitəçiliyi ilə, İran və ABŞ arasında nüvə məsələsi üzrə ikinci danışıqlar raundu keçirilib. İran Xarici İşlər Nazirliyi, bir neçə məsələdə qarşılıqlı anlaşma əldə edildiyini və bu razılaşmaların gələcək nüvə sazişi layihəsinə daxil edilə biləcəyini açıqlayıb. Vaşinqton da danışıqların yaxşı keçdiyini bildirib, amma Tehran hələ də Ağ Ev tərəfindən irəli sürülən bəzi şərtləri qəbul etməyə hazır deyil. İsrail və ABŞ əvvəlcə İranın yalnız nüvə proqramından deyil, həm də ballistik raketlər istehsalından və Yaxın Şərqdəki İran tərəfdarı qüvvələrə dəstək verməkdən imtina etməsini tələb edirdilər. İran və ABŞ nümayəndə heyətlərinin növbəti görüşlərinin 26 fevralda Cenevrədə keçiriləcəyi gözlənilir.
Qadir, Bizimyol.info
Daha ətraflı məlumat və yeniliklər üçün ain.az saytını izləyin.
