Almaniyanın müdafiə naziri Boris Pistorius ABŞ prezidenti Donald Trampı Vladimir Putinə və Ukraynadakı müharibəyə münasibətdə apardığı strategiyaya görə tənqid edib.
Bizim.Media xəbər verir ki, o, bu barədə “Deutschlandfunk” radiosunun efirində danışıb.
Onun sözlərinə görə, Amerika prezidentinin addımları münaqişənin gedişinə təsir göstərib və Putinin özünəinamını artırıb.
Pistorius qeyd edib ki, Tramp “Rusiya lideri qarşısında qırmızı xalça sərib” və Ukraynaya hərbi dəstəyi dayandırmaqla yanlış siqnallar göndərib.
Nazir, həmçinin Ukraynanın NATO-ya üzvlüyü məsələsinin danışıqlar gündəmindən vaxtından əvvəl çıxarılmasını səhv adlandırıb. Onun fikrincə, bu məsələ mümkün danışıqlarda mühüm təsir aləti kimi istifadə oluna bilərdi.
Bizim.Media
