ain.az, Demokrat.az saytından verilən məlumata əsaslanaraq xəbər yayır.
Ramazan ayında həm ac qalmamaq, həm də çəkini qorumaq üçün süfrəyə qoyulan qidaların sırası olduqca vacibdir. Sahurda və iftarda düzgün seçimlər etmək gün boyu enerjili qalmağın sirridir.Demokrat.az xəbər verir ki, sahurda ən çox tox saxlayan qidaların başında yumurta və tam yağlı pendir gəlir. Pendiri balla birlikdə yemək isə qan şəkərini tarazlayır və gün ərzində yaranan şirin ehtiyacını qarşılayır. Bal həm də mədədəki həzm problemlərini aradan qaldırır, orqanizmi gümrah saxlayır.İftar vaxtı orucu müxtəlif tərəvəz və ya paxlalılar ilə hazırlanan şorbalarla açmaq lazımdır. İsti şorba uzun müddət ac qalan mədəni sakitləşdirir və insanın birdən-birə həddindən artıq yeməsinin qarşısını alır. Bağırsaqların rahat işləməsi üçün salatlara mütləq alma sirkəsi və zeytun yağı əlavə edilməlidir. Bu üsul yeməklərin qan şəkərini qəfil qaldırmasına imkan vermir.Oruc müddətində gücdən düşməmək üçün xurma əla seçimdir. Tərkibindəki maqnezium sayəsində əzələ ağrılarından qoruyan xurmanın iftarda iki ədəd yeyilməsi bəs edir. İftardan sonra həzmi sürətləndirmək üçün isə limonlu və ballı qara çay içmək məsləhətdir.Gecə saatlarında acanlar üçün ən yaxşı seçim kefir və ya ilıq süddür. Yanında bir neçə qoz yemək toxluq hissini artırır və rahat yuxu gətirir. Ət yeməklərində isə həzmi daha rahat olan toyuq və ya balıq ətinə üstünlük verməklə ramazan ayını daha yüngül keçirmək olar.İsmayıl
Demokrat.az
Daha ətraflı məlumat və yeniliklər üçün ain.az saytını izləyin.
