Vilnüs Kiyevə "RBS-70" yaxın mənzilli daşınan zenit-raket kompleksləri üçün növbəti raket partiyasını təhvil verir.
AFN.az xəbər verir ki, bu barədə fevralın 24-də Baltikyanı respublikanın Müdafiə Nazirliyi məlumat yayıb. Litvanın müdafiə naziri Robertas Kaunas bildirib ki, Ukraynaya 30 ədəd "RBS-70" raketi veriləcək. Nazirin fikrincə, bu, Ukraynanın hava hücumundan müdafiəsini gücləndirən kritik dərəcədə vacib silahdır.
Litva hakimiyyəti 2025-ci ildə Ukraynaya hərbi yardım göstərilməsi üçün ümumilikdə 223 milyon avro vəsait ayırıb. Xatırladaq ki, 2024-cü ildə Litva hər il Kiyevin müdafiə ehtiyaclarına milli Ümumi Daxili Məhsulun (ÜDM) 0,25%-i qədər vəsait ayırmaq öhdəliyi götürmüşdü (təxminən 190 milyon avro). Vilnüs bu strateji öhdəliyini 2025-ci il üçün də qüvvədə saxlayıb.
