BAKI, 25 fevral. TELEQRAF
Belarus hökumət nümayəndə heyətinin Özbəkistana rəsmi səfəri çərçivəsində iki ölkə arasında irimiqyaslı iqtisadi razılaşmalar əldə olunub.
Teleqraf Belarus Hökumətinin mətbuat xidmətinə istinadən xəbər verir ki, tərəflər ümumi dəyəri təxminən 110 milyon dollar olan müqavilələrə imza atıblar.
Səfər zamanı keçirilən görüşlərdə ticari-iqtisadi əməkdaşlığın gücləndirilməsi, sənaye kooperasiyası və qarşılıqlı mal dövriyyəsinin artırılması əsas müzakirə mövzuları olub.
İmzalanan sənədlər müxtəlif sektorları əhatə edir və hər iki ölkənin iqtisadi potensialının inkişafına xidmət edəcək.
