Bakının Xəzər rayonu, Binə qəsəbəsi 149 nömrəli tam orta məktəbin 4 tərəfi ağırtonnajlı maşınlarla əhatə olunub.
Xezerxeber.az-ın məlumatına görə, övladını məktəbə gətirən valideynlər də, məktəbli avtobuslarının sürücüləri də deyirlər ki, əraziyə giriş çıxışda ciddi problem yaşayırlar.
Xəzər Rayon İcra Hakimiyyətinin Binə qəsəbə inzibati ərazi dairəsi üzrə nümayəndəliyindən bildirildi ki, sürücülərə bununla bağlı dəfələrlə xəbərdarlıq edilməsinə baxmayaraq, onlar buna məhəl qoymurlar. Bildrilib ki, artıq daha ciddi tədbirlərin görülməsi üçün müvafiq qurumlara müraciət olunacaq.
Xezerxeber.az mövzu ilə bağlı daha ətraflı videomaterialı təqdim edir.
