ain.az, Oxu.az portalından verilən məlumatlara əsaslanaraq xəbər verir.
Türkiyəyə müalicəyə aparılan Xalq artisti Rasim Balayev həkim nəzarətində müalicəsini davam etdirir.
Bunu Oxu.Az-a açıqlamasında Xalq artistinin oğlu Ülvi Balayev deyib.
O bildirib ki, atası bir neçə gün əvvəl Türkiyəyə aparılıb və orada klinikalardan birində müalicəsini davam etdirir:
"Burada müalicə alırdı. Müalicələrin təsirindən immuniteti aşağı düşmüşdü, immunitet zəifliyi var idi. Ona görə də həkimlərin məsləhəti ilə Türkiyəyə getdi. Hazırda orada müalicəsi davam etdirilir. Həkimlər hələ ki, telefondan istifadəyə icazə vermirlər. Amma yanında qalan var, onun vasitəsilə məlumatlar alırıq. Demək olar ki, vəziyyəti stabildir".
Xatırladaq ki, Xalq artisti Rasim Balayev uzun müddətdir şəkərli diabet və qan təzyiqi xəstəliyindən əziyyət çəkir.
Samir Əli
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
