Bir çox Çexiya vətəndaşı Ukraynanı dəstəkləyir - bəziləri könüllü, bəziləri humanitar yardım vasitəsilə, lakin aralarında əlinə silah götürənlər də var. Onların arasında təxminən üç ildir Ukrayna Silahlı Qüvvələrində xidmət edən Karolina da var.
Herbiand.az bu barədə Ukrinform nəşrinə istinadən bildirir.
Karolina öz mövqeyini açıq şəkildə belə izah edib: “Mən əminəm ki, Rusiyanın təcavüzü təkcə Ukrayna üçün təhlükə yaratmır. Mən hesab edirəm ki, Rusiya şərdir. Əgər Ukrayna qalib gəlməsə, növbəti biz olacağıq. Buna görə də döyüşmək, dəstəkləmək və kömək etmək lazımdır”.
Onun sözlərinə görə, hətta hücum Ukraynaya deyil, başqa bir ölkəyə qarşı baş versəydi belə, yenə də döyüşməyə gedərdi.
Qeyd olunur ki, Karolina Ukraynaya 2022-ci ildə gəlib. Əvvəlcə Baxmuta könüllü və tibb işçisi kimi gəlib. Bundan əvvəl Çexiya ordusundan təqaüdə çıxıb. Sonradan müqavilə imzalamağa və Ukrayna Silahlı Qüvvələrinin tamhüquqlu döyüşçüsü kimi orduya qoşulmağa qərar verib.
Bəxtiyar CƏFƏRLİ
