Reyting.az portalından əldə olunan məlumata əsasən, ain.az xəbər verir.
Özünü “Yeni Nostradamus” adlandıran və “COVİD-19” pandemiyasını proqnozlaşdırdığını iddia edən Kreyq Hamilton-Parker dünya üçün yeni və qaranlıq bir mənzərə haqda xəbərdarlıq edib.
Reyting.az xəbər verir ki, “YouTube”də 230.000-dən çox izləyicisi olan Hamilton-Parker son videosunda 2026-cı il və sonrakı dövr üçün qorxunc proqnozlar səsləndirib.
İddialarını qədim hind astrologiya sistemi “Nadi oxunuşlarına” əsaslandıran ekstrasens deyib ki, dünya yaxın illərdə ciddi qarışıqlıqla üzləşəcək.
Hamilton-Parkerin ən təəccüblü iddiası ABŞ prezidenti Donald Trampla bağlıdır. ABŞ Konstitusiyasına görə, prezident maksimum iki müddətə xidmət edə bilər. Lakin ekstrasens iddia edir ki, yaxınlaşan “böyük fəlakət” seçki prosesini pozacaq və fövqəladə hallar səbəbindən Trampın səlahiyyət müddəti üçüncü müddətə uzadılacaq.
Hamilton-Parker əlavə edib ki, sözügedən böhran Tayvanda mərkəzləşmiş yeni bir müharibə ilə əlaqələndirilə bilər.
“Seçki dövründə böyük bir fəlakət olacaq. Bu, yeni bir müharibə ilə bağlıdır”,- deyən Hamilton-Parkerin öncəgörməsinə görə, xaotik vəziyyət seçkilərin təxirə salınmasına səbəb olacaq.
Məşhur ekstrasensin daha bir təəccüblü proqnozu 2028-ci illə bağlıdır. Hamilton-Parker Yer və Ay arasından keçən bir meteorun “fəlakət ssenarisinə” səbəb ola biləcəyini söyləyib. “Əgər belə bir yaxın keçid baş verərsə, yanğınlara, zəlzələlərə və sunamilərə səbəb ola bilər”,- deyən ekstrasens əlavə edib ki, potensial keçidin xüsusən də ABŞ-da dağıdıcı olması mümkündür.
Hamilton-Parkerə görə, dünya gündəmini sarsıdacaq başqa bir inkişaf Avropadan gələcək. Ekstrasens, Avropanın bir bölgəsində “yerüstü varlıqların fiziki sübutlarının” ortaya çıxacağını iddia edir. O, bu açıqlamanın digər inkişafları kölgədə qoymaq üçün “tüstü pərdəsi” ola biləcəyini də vurğulayıb.
Hamilton-Parkerin kanalına qoşulan digər bir mənəvi şərhçi Vinita Dubey Pande də 2028 və 2029-cu illərə diqqət çəkib.
Pande, dini əsaslı gərginliyin İran, İsrail və ABŞ-nın iştirak etdiyi müharibəyə çevrilə və bunun qlobal ərzaq böhranına səbəb ola biləcəyini iddia edib. O, həmçinin İran və Rusiyanın bu prosesdə rol oynayacağını deyib.
Pandenin sözlərinə görə, 2028-2029-cu illər arasında Tayvanda sunami, Yaponiyada isə zəlzələ və ya su ilə əlaqəli təbii fəlakət baş verə bilər.
Lakin ekspertlər bu cür “peyğəmbərlik”lərin və proqnozların elmi əsasa malik olmadığını vurğulayaraq, sosial mediada sürətlə yayılan iddiaların, xüsusən də böhran dövründə geniş auditoriyaya əhəmiyyətli dərəcədə təsir göstərə biləcəyini qeyd edirlər.
V. QULİYEV
Daha ətraflı məlumat və yeniliklər üçün ain.az saytını izləyin.
