Ermənistanın Baş naziri Nikol Paşinyan və Polşanın Baş naziri Donald Tusk görüş zamanı səmimi və mehriban ab-havada görüntüləniblər.
KONKRET.az xəbər verir ki, liderlərin iştirakı ilə Ermənistan və Polşa arasında hərbi-texniki əməkdaşlıq haqqında saziş imzalanıb.
Rəsmi mərasimdən sonra Paşinyan və Tusk arasında isti və dostluq mühitində fikir mübadiləsi aparılıb. Tərəflərin media qarşısında ünsiyyəti və qeyri-rəsmi söhbətləri diqqət çəkib.
İmzalanan sənədin iki ölkə arasında müdafiə sənayesi, hərbi texnologiyalar və təcrübə mübadiləsi sahələrində əməkdaşlığın genişləndirilməsini nəzərdə tutduğu bildirilir. Sazişin regional təhlükəsizlik məsələləri baxımından da əhəmiyyət daşıdığı vurğulanır.
Görüş çərçivəsində tərəflər həm ikitərəfli münasibətlərin inkişaf perspektivlərini, həm də Avropa təhlükəsizlik gündəliyində aktual məsələləri müzakirə ediblər.
Natiq Səlim,
KONKRET.az
