ABŞ və İran arasında danışıqların növbəti raundu başa çatıb.
"Far.Az" xəbər verir ki, bu barədə Omanın xarici işlər naziri Bədr əl-Busaidi "X"dəki hesabında məlumat yayıb.
Onun sözlərinə görə, danışıqlarda əhəmiyyətli irəliləyiş əldə olunub: "Müvafiq paytaxtlarda məsləhətləşmələrdən sonra tezliklə danışıqlara davam edəcəyik. Texniki səviyyədə müzakirələr gələn həftə Vyanada keçiriləcək".
Bədr əl-Busaidi paylaşımının sonunda Atom Enerjisi üzrə Beynəlxalq Agentliyə (AEBA) və ev sahibliyinə görə İsveçrəyə təşəkkür edib.
We have finished the day after significant progress in the negotiation between the United States and Iran. We will resume soon after consultation in the respective capitals. Discussions on a technical level will take place next week in Vienna. I am grateful to all concerned for…
— Badr Albusaidi - بدر البوسعيدي (@badralbusaidi) February 26, 2026
İran və ABŞ nümayəndə heyətləri İsveçrədə bugünkü danışıqların ikinci mərhələsinə başlayıblar.
"Far.Az" xəbər verir ki, bu barədə "Al Alam" telekanalı məlumat yayıb.
"Cenevrədə İran və ABŞ arasında nüvə proqramı üzrə danışıqların üçüncü raundunun ikinci mərhələsi başlayıb", - məlumatda bildirilib.
Cenevrədə ABŞ və İran nümayəndə heyətləri arasında nüvə danışıqları başa çatıb.
"Far.Az" xəbər verir ki, bu barədə "Axios" məlumat yayıb.
Qeyd olunub ki, danışıqlar üç saat davam edib.
Eyni zamanda İranın "Mehr" agentliyi danışıqların bu gün daha sonra davam edəcəyini bildirib.
"Cenevrədə biz kreativ və pozitiv ideyalar mübadiləsi apardıq. İndi amerikalı və iranlı danışıqçılar fasiləyə çıxıblar. Biz onları bu gün daha sonra bərpa edəcəyik. Daha böyük irəliləyiş əldə etməyə ümid edirik", - Omanın xarici işlər naziri Bədr Əl-Busaidi bəyan edib.
Cenevrədə ABŞ və İran arasında İranın nüvə proqramı üzrə danışıqların üçüncü raundu başlayıb.
Bu barədə "Far.Az" "Fars News"a istinadən xəbər verir.
ABŞ nümayəndə heyətinə Prezident Donald Trampın Yaxın Şərq üzrə xüsusi elçisi Stiv Uitkoff rəhbərlik edir.
Qeyd edək ki, danışıqların birinci raundu fevralın 6-da Omanda, ikinci raundu isə fevralın 17-də Cenevrədə keçirilib.
