İngiltərənin "Mançester Yunayted" klubu İspaniyanın "Vilyarreal" komandasının yarımmüdafiəçisi Pape Qeye ilə maraqlanır.
90deqiqe.Az-ın "Footmercato"ya istinadən məlumatına görə, 27 yaşlı futbolçu Kazemironun yayda komandadan ayrılmasından sonra onun yerinə namizəd olaraq nəzərdən keçirilir. "Qırmızı şeytanlar" artıq futbolçunun agenti ilə danışıqlara da başlayıb.
Seneqal millisinin üzvü 2026-cı il Dünya Çempionatında yaxşı oyun göstərsə, maraq daha da artacaq.
Cari mövsümdə Qeye bütün turnirlərdə 28 oyunda iştirak edib, 3 qol və 1 məhsuldar ötürmə ilə yadda qalıb. Onun mövcud müqaviləsi 2028-ci ilin yayına qədər nəzərdə tutulub. Transfermarkt portalına görə, futbolçunun bazar qiyməti 20 milyon avrodur.
