Dövlət Şəhərsalma və Arxitektura Komitəsinin Aparatı rəhbərinin və WUF13-ün Milli Koordinatorunun müavini Gülşən Rzayeva bildirib ki, WUF 13 Azərbaycan üçün strateji əhəmiyyətə malikdir: "Urbanizasiya artır. Bu isə rifah üçün xüsusi imkanlar yaradır. Şəhərlərlə bağlı müzakirələr bu baxımdan mühümdür.
Forumda iqlim dəyişikliyi fonunda həll olunmalı həllər və s. məqamlar müzakirə ediləcək. BMT-nin təhlillərinə görə, dünyada 3 milyard insan mənzil təminatından əziyyət çəkir. Sözügedən forum belə qlobal məsələlərin müzakirəsinə həsr olunacaq".
G.Rzayeva vurğulayıb ki, Azərbaycan şəhərsalma kampaniyasına müraciətlər artmaqda davam edir: "Bu da forum haqqında məlumatlılğı artırır. Bu müddətdə qurumlarla sıx əməkdaşlıq etdik. Milli iştirakçılığın artırılması üçün lazımi tədbirləri görməy davam edirik. Azərbaycanın növbəti dəfə qlobal tədbirin ev sahibi kimi imicini yüksəldəcəyinə inanıram".
Təklifinizi, şikayətinizi bizə yazın. Sizi dinlərik. 055 634 88 31
