ain.az, Azpolitika.az portalına istinadən məlumat verir.
Bu il Rusiya avtomobil bazarı üçün son 20 ildə ən pis il olacaq. Artıq İlin ilk iki ayı bunu deməyə əsas verir.
“AzPolitika” xəbər verir ki, AvtoVAZ-ın Satış və Marketinq direktoru Dmitri Kostromin bununla bağlı Rusiyada keçirilən ForAuto - 2026 forumunda deyib: "Biz 2026-cı ilin necə başlayacağı ilə bağlı proqnozlar verdik. Təəssüf ki, hər şey proqnozlaşdırdığımızdan daha pis başladı. Mənim fikrimcə, bu, yəqin ki, son 20 illik statistikanın ən pis yanvar-fevral aylarıdır. Bazarın hesablanması metodologiyasını bir az dəyişdirsək və yalnız həqiqətən satılan və qeydiyyatdan keçmiş yeni avtomobilləri nəzərə alsaq, bazar əslində daha da pisdir".
Bundan öncə, Avtostat agentliyi yanvar ayında Lada minik avtomobillərinin qeydiyyatının illik 28,7% azalma ilə 19.700 ədədə düşdüyünü bildirmişdi. Üstəlik, ötən ay avtomobil bazarının ümumi həcmi 80.600 ədəd olaraq qiymətləndirilib ki, bu da ötən ilin eyni ayı ilə müqayisədə 9,5% azdır. AvtoVAZ-ın baş direktoru Maksim Sokolov fevralın ortalarında Lada satışlarının fevral ayında da zəif olduğunu bildirib. Nəticədə şirkət aylıq satış planını 15% azaldıb (Təxminən 20.000 ədəd satış). Eyni zamanda, AvtoVAZ-ın baş meneceri etiraf edib ki, "yaradıcı ideyalar olmadan bu bazar, ehtimal ki, yaşaya bilməyəcək".
Dekabrın sonunda AvtoVAZ Lada Aura və Lada Largus modellərinin qiymətlərini müvafiq olaraq 14% (2,25 milyon rubl) və 3,8% (1,59 milyon rubl) endirib. Eyni zamanda, ən çox satılan modellərin qiymətləri artıb: Lada Granta 1,9% (850.000 rubl), Lada Iskra 1,8% (1,28 milyon rubl), Niva Legend 1,8% (1,1 milyon rubl) və Niva Travel 1,9% (1,42 milyon rubl).
“AzPolitika.info”
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
