Apa.az portalından əldə olunan məlumata əsasən, ain.az xəbər verir.
ABŞ Prezidenti Donald Tramp Ukraynadakı münaqişənin nizamlanması çərçivəsində Rusiyaya qarşı tətbiq olunan sanksiyaların ləğvini istədiyini bildirib.
APA xəbər verir ki, O, bu barədə jurnalistlərin suallarını cavablandırarkən danışıb.
“Mən sanksiyaların mərhələli şəkildə ləğv olunmasını çox istərdim”, – deyə Tramp Moskvaya qarşı məhdudiyyətlərin aradan qaldırılması və Rusiya ilə ABŞ arasında ticarət-iqtisadi əlaqələrin genişləndirilməsi niyyəti ilə bağlı suala cavab verərkən qeyd edib.
ABŞ lideri eyni zamanda Ukraynadakı münaqişənin tezliklə başa çatdırılmasına çalışdığını vurğulayıb.
“Mən bu müharibənin bitməsini istəyirəm. Prezident Putinlə danışmışam. Bu müharibənin sona çatdığını görmək istərdim”, – deyə Tramp bildirib.
Hadisənin gedişatını izləmək üçün ain.az saytında ən son yeniliklərə baxın.
