iPhone və iPad NATO-nun məxfi məlumatlarla işləmək üçün sertifikatlaşdırdığı ilk istehlakçı cihazları oldu. Bunun üçün heç bir xüsusi proqram təminatı və ya tənzimləmə tələb olunmur.
Oxuməni.az xəbər verir ki, bu barədə Apple şirkəti məlumat verib.
Apple cihazları Almaniya hökuməti tərəfindən aparılan təhlükəsizlik testləri və qiymətləndirmələrindən sonra bu səviyyədə dövlət sertifikatlaşdırması alan ilk və yeganə istehlakçı mobil məhsullardır. iOS 26 və iPadOS 26 ilə işləyən iPhone və iPad indi bütün NATO ölkələrində məxfi məlumatlarla istifadə üçün sertifikatlaşdırılıb.
Məxfi məlumatlara giriş icazəsi ilə bağlı bəyanatında Apple öz təhlükəsizlik funksiyalarını xüsusi qeyd edib.
"Apple şirkəti bütün məhsullarına təhlükəsizlik mexanizmlərini əvvəlcədən daxil edir, bütün səviyyələrdə – aparat və proqram təminatı, eləcə də Apple Silicon prosessorlarında ən mürəkkəb müdafiə vasitələrini təmin edir. Bu unikal yanaşma şifrələmə, Face ID vasitəsilə biometrik autentifikasiya və yaddaş bütövlüyünün təmin edilməsi (Memory Integrity Enforcement) kimi qabaqcıl funksiyalar kimi sənayenin ən yaxşı müdafiə vasitələrindən istifadə etməyə imkan verir. Bu müdafiə vasitələri indi hətta məhdud girişli məlumatlar üçün belə ciddi dövlət və beynəlxalq təhlükəsizlik tələblərinə uyğun olaraq tanınır. Apple"
Apple-ın təhlükəsizlik üzrə vitse-prezidenti İvan Krstiç bu nailiyyətin Apple-ın təhlükəsizliyə sadiqliyini əks etdirdiyini bildirib.
Almaz Həsənli
