Ötən gecə ot örtüyü qara bürünən Qəbələ şəhər stadionu bu gün səhər saatlarından etibarən qardan təmizlənir.
QOL.az xəbər verir ki, sözügedən arenada bu gün Misli Premyer Liqasının 22-ci turunun “Qəbələ” - “Karvan-Yevlax” matçı keçiriləcək. Oyunun saat 17:00-da başlaması nəzərdə tutulub.
“Qəbələ”nin mətbuat xidmətindən QOL.az-a verilən məlumata görə, görüş başlayanadək stadionun ot örtüyünün qardan tamamilə təmizlənəcəyi gözlənilir.
