Tehrana raket zərbələri endirib, şəhrdə güclü partlayışların olduğu deyilir
Ekologiya.az xəbər verir ki, İran bu gecədən başlayaraq, İsrail tərəfindən bombalanır.
Bu barədə İsrailin müdafiə naziri rəsmi açıqlama yayıb. Bununla paralel olaraq, İsrail ərazisi boyunca hava həyəcanı siqnallarının işə düşdüyü, əhaliyə sığınacaqlara enmək çağırışı edildiyi bildirilir. İsrail ordusu vəziyyəti nəzarətdə saxladığını bəyan etsə də, hücumun mənbəyi və miqyası barədə detallı məlumat hələ təqdim olunmayıb.
Dünya mətbuatında isə gərginliyi daha da artıran iddialar səslənir. Bir sıra beynəlxalq media qurumları və analitik platformalar ABŞ-İsrail qüvvələrinin İranı bombardman etməyinin ardınca müharibə bölgəsəl xarakter ala bilər. Bu ssenari reallaşarsa, Yaxın Şərqdə genişmiqyaslı hərbi qarşıdurmanın – hətta qlobal müharibə riskinin – yarana biləcəyi qeyd olunur.
Eyni zamanda bəzi təhlillərdə daha sürətli və məhdud hədəfli əməliyyat ssenarisi də müzakirə edilir. Bu versiyaya görə, İranın hərbi-strateji obyektlərinin, raket və nüvə infrastrukturu ilə bağlı məntəqələrinin hədəfə alınması, eləcə də ölkənin ali dini rəhbərliyi daxil olmaqla yüksək səviyyəli qərarverici mərkəzlərin sıradan çıxarılması variantı nəzərdən keçirilə bilər.
