Bu gün Misli Premyer Liqasında 22-ci tura yekun vurulacaq.
QOL.az xəbər verir ki, son oyun gününə 2 matç nəzərdə tutulub.
Əvvəlcə "Turan Tovuz" "İmişli"ni qəbul edib. Qarşılaşma qolsuz heç-heçə ilə yekunlaşıb. Bu komandaların ilk dövrədəki oyununda "Turan Tovuz" qalib gəlib - 1:0.
Günün son oyunu isə turun mərkəzi qarşılaşması hesab olunur. Böyük maraqla gözlənilən matçda "Qarabağ" "Sabah"ı qəbul edir. Ardıcıl 10 oyundur qalib gələn "Sabah" hazırda 52 xalla liderdir. Ehtiyatında bir oyunu olan "Qarabağ" isə 45 xalla 2-cidir. Bu baxımdan matçı komandalar arasında gedən çempionluq mübarizəsində əsas oyunlardan biri adlandırmaq olar. Bu komandaların mövsümün ilk turundakı qarşılaşması "Sabah"ın 2:1 hesablı qələbəsi ilə başa çatıb.
1 mart (bazar)
Misli Premyer Liqası, 22-ci tur
19:00. “Qarabağ” – “Sabah” - 3:3
Qol: Xəyal Əliyev, 13 (0:1), Aron Maluda, 54 (0:2), Coy Lens Mikels, 60 (0:3), Pedro Bikalyo, 73 (1:3), Kevin Medina, 78 (2:3), Musa Qurbanlı, 84 (3:3)
Hakimlər: Tural Qurbanov, Asiman Əzizli, Cəmil Quliyev, Əkbər Əhmədov
VAR: Elçin Məsiyev
AVAR: Müslüm Əliyev
Tofiq Bəhramov adına Respublika Stadionu
16:30. “Turan Tovuz” – “İmişli” - 0:0
Hakimlər: Fərid Hacıyev, Namiq Hüseynov, Rəhman İmami, Alik Yunusov
VAR: Əli Əliyev
AVAR: Elvin Bayramov
“Azersun Arena”
27 fevral (cümə)
“Kəpəz” - “Sumqayıt” - 3:0
“Araz-Naxçıvan” - “Zirə” - 0:1
28 fevral (şənbə)
“Qəbələ” - “Karvan-Yevlax” - 1:1
“Şamaxı” - “Neftçi” - 2:2
Bombardirlər:
Coy Lens Mikels (“Sabah”) - 10 qol
Bassalu Sambu ("Neftçi") - 9 qol
Velko Şimiç (“Sabah”) - 9 qol
Emin Mahmudov (“Neftçi”) - 7 qol
Ba-Muaka Simakala (“Araz-Naxçıvan”) - 7 qol
Toral Bayramov (“Qarabağ”) - 7 qol
Karim Rossi ("Şamaxı") - 7 qol
Dioqo Almeyda ("İmişli") - 7 qol
