İsrail hakimiyyəti İran tərəfindən mümkün qisas və raket hücumları ilə bağlı təhdidlər fonunda ölkə miqyasında fövqəladə vəziyyət elan edib. Qərara əsasən, təhlükəsizlik tədbirlərinin bir hissəsi olaraq bütün məktəblər, kolleclər və universitetlər müvəqqəti bağlanıb.
AzEdu.az "Sunday Guardian" qəzetinə istinadən xəbər verir ki, rəsmi qurumların açıqlamasına görə, vətəndaşların təhlükəsizliyini təmin etmək məqsədilə ictimai toplantılar dayandırılıb, həmçinin bir çox vacib olmayan iş yerlərinin fəaliyyəti müvəqqəti olaraq məhdudlaşdırılıb.
Belə ki, təhsil müəssisələrinin bağlanması ilə bağlı qərar ən azı 2 mart 2026-cı il tarixinə qədər qüvvədə qalacaq. Təhlükəsizlik vəziyyətindən asılı olaraq müddətin uzadılması istisna edilmir.
