Azertag portalından alınan məlumata görə, ain.az xəbər verir.
Bakı, 3 mart, AZƏRTAC
Qazaxıstanın Almatı şəhərində qızılca xəstəliyinə yoluxma halları artıb.
AZƏRTAC “Qazinform” agentliyinə istinadla xəbər verir ki, yoluxma halları 2025-ci ilin noyabrından etibarən artmağa başlayıb. Həmin ay 30, dekabrda isə 142 yoluxma qeydə alınıb. 2026-cı ilin əvvəlindən indiyədək 591 təsdiqlənmiş qızılca halı aşkarlanıb. Yoluxanların 94,2 faizini 14 yaşadək uşaqlar təşkil edir.
Məlumatda qeyd olunur ki, virusa yoluxanların 89,1 faizi qızılcaya qarşı peyvənd olunmayıb. Peyvənd olunmuş 37 nəfərdən 36-sı vaksinasiyanı natamam alıb.
Təhsil müəssisələrində sanitar-epidemioloji tədbirlər gücləndirilib.
Mütəxəssislər bildirirlər ki, qızılca və onun ağırlaşmalarının qarşısının alınmasında peyvənd yeganə effektiv vasitədir.
Daha ətraflı məlumat və yeniliklər üçün ain.az saytını izləyin.
